Kòrsou- sèptember, 2023:  Heineken® huntu ku su distribuidor ofisial na Kòrsou, Distribier, a lansa wikènt pasá su último inovashon di serbes ku a yega pa sakudí e kategoria di Lager ku un serbes “premium” mas suave i refreskante: Heineken® Silver.

Markando e siguiente paso den Heineken su pashon largu di traha serbesnan ekselente tanten ta keda inová konstantemente a base di e smak nobo di e konsumidó , Heineken® Silver ta un serbes lager suave ku 4% alkohòl según e volumen, trahá na un temperatura di -1º C pa dune un smak èkstra refreskante i ofresiendo un sabor menos bitter ora bo bebe.     

Willem van Waesberghe, “Global Craft and Brew Master” na HEINEKEN, a bisa:

“Heineken® Silver a wòrdu trahá ku e mesun ingredientenan natural i puro ku nos sa ku hendenan gusta di e resèpt original. Loke ta hasi Heineken Silver diferente ta e manera ku e ta wòrdu traha usando un proseso friu di Lager na -1º C. E resultado di esaki ta ku bo ta haña un smak refreskante, menos bitter i fasil pa bebe ku ta akapará un generashon nobo di hende ku ta bebe serbes i ku nan punta di smak ta forma un kantidat mas amplio. Heineken® Silver a wòrdu trahá pa komplase ku mayoria hende  ku ke disfrutá di un serbes suave i fasil pa bebe. 

Heineken® Silver a wòrdu lansá den un evento bou di Juliana brug djasabra último den un forma uniko diseñá pa inspirá un generashon nobo di fanatikonan di Heineken. Aworaki e ta disponible na tur Horeca, supermerkado, snèks i minimarkets. E ta bin den bòter i den bleki.