VLAARDINGEN—Polis a detené un hóben (14) na Vlaardingen posibel envolvimentu den atentadonan ku eksplosivo den e siudat.

E sospechoso tabatin material riba dje ku a keda usa pa e atentadonan. E hóben a keda detené den Hofstralaan na Vlaardingen kaminda un kantidat di eksploshon a tuma lugá. Un ‘loodgieter’ ta blanku di e atakenan den e siudat. Tin ekstra supervishon den e kaya pa motibu di e atentadonan. Pa e motibu aki e hóben di Leidschendam a keda detekta i detené ayera nochi. Polis ta investigando si tin un relashon ku e eksploshonnan anterior den e kaya. Na e kas, kompania i outonan di e loodgieter Ron van Uffelen tabatin mas di 10 eksploshon for di aprel 2023. Polis a hasi hopi detenshon den e kaso. Siman pasa tabata dos hoben di 15, 16 aña ku tambe tabatin material pa eksplosivo. Den febrüari un hòmber (19) a keda detené ku tbatin uun eksplosivo den un tas. Siman pasa Radley C (24) a tende un demanda di 15 luna pa plania un atentado na kas di e viktima. El a ninga di tabata na altura di e atentado. E víktima ta bisa ku e no sa dikon e ta blanku di e atentadonan. E hoben (14) ta den restrikshon, pues por papia ku solamente su abogado.