ROTTERDAM—Polis a detené un hóben (16) relashoná ku e tiroteo ku a tuma lugá durante Zomercarnaval na Rotterdam.

Den e tiroteo no tabatin herido. E hóben di Spijkenisse a keda detené riba Oostzeedijk. Un testigu a tende un zonido duru djasabra 29 yüli i a mira un hende ku arma den su man. Durante Zomercarnaval tabatin otro tiroteo ku a tuma lugá den mesun area di Coolsingel kaminda un hòmber (21) di Limburg a keda heridá. E sospechoso (26) a keda alkansá pa blanan di polis. Tantu e komo e víktima ta for di peliger. Tabatin hopi hende presente durante e insidente. E marcha a kaba pero tabatin musika riba podium. Polis a sera e area. E alkalde a yama e tiroteonan durante Zomercarnaval kompletamente inaseptabel. VVD i Leefbaar Rotterdam tambe a reakshoná furioso. Pa Leefbaar Rotterdam mester konsiderá pa stòp e fiesta. Tur aña e fiesta ta bira manera un teritorio di guera, esaki ta inaseptabel pa e partido lokal.