Momento di aresto di Dishane.
Nieuwe Haven,– E kaso di Dishane Nelson, ta bai bira un kaso lamentabel pa korte trata. Dishane Nelson (2000) a tende den korte di promé instansha ku e mester sinta un kastigu di 10 aña inkondishonal pa a kita bida di su tata di kriansa na momentu ku Nelson tabata defendé su mama.
Nelson, durante su tratamentu den promé instansha, a risibi libertat temporal serka wes mr. Snitker, kende a trata na konsiderá e kondishonnan bou di kual e insidente a tuma lugá unda e hòmber Dwayne Douglas a bin pèrdè su bida. Korte a laga e hóben liber pendiente un desishon final, kual a bin konkluí den un sentensha di 10 aña enkarselashon pa Nelson. Pero reakshonnan riba ret sosial a protesta kontra di e desishon di korte, ku no tabatin muchu opshon sino di apliká lokual tin den Kódigo Penal. Pa hopi e desishon di korte tabata un lástima. Nelson entretantu ta pendiente tratamentu di su kaso dilanti un Tribunal di tres wes, Korte di Apelashon.
E sentensha, den Promé Instansha, alabes a trese un diskushon emoshonal riba retnan sosial, alegando ku Nelson a protehá su mama i awor mester sinta un kastigu asina largu. E kaso ku a risibí basta atenshon den medionan di komunikashon i alabes a shòk komunidat di Kòrsou. Un hóben di apénas 21 aña di edat ta kita bida for di un persona pa defendé su mama
E hóben su kaso ku a risibí basta atenshon den medionan di komunikashon i alabes a shòk komunidat di Kòrsou. Un hóben di apénas 21 aña di edat ta kita bida for di un persona pa defendé su mama. E persona ku a fayesé tabata tata di kriansa i pareha violento di mama di Nelson, Duwayne O. Douglas. Nelson a kita bida di Douglas despues ku Douglas a maltratá e mama di Nelson riba un forma basta severo. Promé ku 5or di mainta riba 8 di mei 2022, Douglas lo a dal e mama di Nelson diferente moketa. E moketanan a resultá ku e mama di Dishane Nelson a keda ku wowo blousá i leshon na su man robes. E maltrato di e mama a tuma lugá na kas dje mama. Nelson a bin haña sa di e maltrato na momentu ku e tabata traha na WTC. Via di whatsapp, e mama a indiká na Nelson ku Douglas a maltrat’é i su kara ta tur plamá. Mesora Nelson a bai na e kas, kaminda den kurá di e kas Nelson a tira ku un arma di kandela, kual a resultá fata pa e pareha violente Duwayne Douglas.
Segun investigashon forénsiko, Douglas a risibí 3 perforashon di bala den área di su pulmon, barika i skouder. En total 6 bala a sali for di e arma di kandela, pero solamente 3 bala e perforá kurpa di Douglas. Tabata djadumingu 8 di mei 2022 alrededor di 05.56’or, ku Sentral di Polis a risibí informashon di un kaso di tiramentu ku a tuma lugá na un kas den Kaya Pachi Jan Bakhuis na Bonam. Alrededor di 6.30 di mainta dòkternan na CMC a konstatá morto di Duwayne Douglas.
Den tratamentu di Promé Instansha, apesar di komprenshon di e situashon wes mr Snitker a dikta un kondena di 10 aña pa Dishane Nelson. E kondena di korte ta asta mas pisá ku demanda di 9 aña hasí pa fiskal di Ministerio Públiko. Segun e veredikto, pa un homisidio un persona por risibí un kastigu di entre 10 aña pa 12 aña. Riba 8 di mei 2022 e akusado ke a yuda su mama debí ku e pareha tabata maltratá e mama. E suseso a finalisá ku Nelson a kita bida di e tata di kriansa kual segun korte ta algu demasiado kostoso. Mirando ku e akusado no tin historia ku hustisia i e akusado a trata na defendé e mama, korte a dikta un kastigu inkondishonal di 10 aña pa Dishane Nelson. Mas aleu, Dishane Nelson mester paga Nafl 19 mil florin di daño perwisio.
Hopi reakshon riba ret sosial.
E kaso pronto lo bolbe subi korte. E biaha aki den apelashon. Nelson, despues di e veredikto si e no ta di akuerdo, por bai korte di kasashon ainda. Entretantu komunidat ta keda pendiente tratamentu di unu di e kasonan mas emoshonal di último dékada.
Siudadanonan ta opiná ku Dishane no meresé un kastigu.