BAMBERG—16 sospechoso, prinsipalmente hulandesnan, ta den korte na Alemania kaminda un mega-kaso a start riba atrakonan ku eksplosivo.

Nan a komete desens di atrakonan ku eksplosivo riba bankomatikonan na Alemania. Ayera tabata e promé dia di e 70 dianan ku e tratamentu ta plania. Debi na e embergadura di e kaso e ta tuma lugá den un gimnasio di akademia polisial. E sospechosonan ta keda asesora pa 30 abogado. Tambe mester di lugá pa e interpretenan. OM ta sospechá e grupo di 27 atrako violento riba bankomatikonan na Alemania. Ta kalkulá ku nan a bai ku 3 mion euro kesh. E eksploshonnan a okashoná daño kalkulá na 5,5 mion euro. E kriminalnan a desvia pa Alemania pa atrakonan riba bankomatiko den ultimo añanan, pasobra hulandes ta paga menos kesh. Asina a kita varios bankomatiko den Hulanda. Ademas, nan tin bon sigurdat ku lijm riba e biyetenan. Alemannan ta paga ku kesh hopi, pues tin mas bankomatiko, ku ta ménos bon proteha. E grupo ta bini di Roermond. Pa evita ku sospechosonan ta papia ku otro, tur ta den diferente prizòn den Beieren.