AMSTERDAM—Un hòmber ku djasabra a risibi multiple hinkanan na Amsterdam-Noord a bin fayesé di su heridanan djadumingu.

E víktima tin 36 aña di nashonalidat marokano segun polis di Amsterdam. Dilanti hopi testigu e sospechoso a hinka e víktima djasabra mainta. despues a sigui un persekushon. E sosopechoso tabatin un kuchú grandi segun testigunan. Tabatin muchanan tambe ku a presensa e drama. Posiblemente e insidente a start den un kas na Azaleastraat. E persekushon a kaba den Hazalaarstraat. Dos testigu a purba interveni. E víktima a keda transporta ku heridanan grave pa hospital. E sospechoso a keda detené algun ora despues. E ta konosí den e bario i ta habitante di e kas kaminda e insidente a start. Segun bisiñanan e sospechoso tabata soru pa problemanan regularmente. No tin informashon di e motibu di e insidente fatal.