Willemstad , — Djaluna 6 di febrüari 2023, den un seremonia kòrtiku i simpel tim di maneho a duna un homenahe na koleganan Milangelo Dap i Cerrel Poulina. Sr. Milangelo Dap ta e kompositor di e Tumba ganadó di aña 2023 “Kaminda tin huma, tin kandela” mientras ku Sr. Cerrel Poulina ta e entrenadó di e Reina di Karnaval 2023.

Despues di entregá un muestra di apresio na señores Dap i Poulina, nan a gradisí Tim di Maneho pa e honor di por forma parti di Kuerpo Polisial. Despues di e parti ofishal e atardi a kulminá kaminda nos Rei di Tumba Reynor Lauffer a deleitá tur presente ku su tremendo tumba lagando e kompleho polisial na Rio Canario yená ku “huma di ambiente, unidat i kolegialidat”.