Javier Silvania, pagadónan di impuesto i esnan kende a yega i ta yegando na areglo di pago no a keda muchu kontentu ku e minister.

Punda—E veredikto di korte, unda wes a konstatá ku e promesa di Minister Silvania ta prevení tur impuesto anterior di 2017 keda kobrá, a lanta bastante desgustu bou di esnan kendenan si a paga. De fakto, no tin niun proseder hurídiko ku e míles di pagadónan fiel por hasi den kontra di e minister tampoko.

Siudadano Sharlon Martha den un remetido a splika e situashon penoso bou di kual mayoria pagadó di impuesto ta sinti nan mes. E sentimentunan ta tantu den sektor komersial komo sektor personal. Simplemente e tabata difísil pa guli, lokual tei of por kosta e minister i MFK bastante voto pa e siguiente elekshon. Pa algun siman tin hopi reklamo den seno di persona i kompanianan ku a paga nan impuesto fielmente te ku 2017 i hasta despues. Ta trata e desishon di kabinete Pisas pa eksonerá tur debe bieu pa 2017 òf añanan anterior.

Segun Minister di Finansas Javier Silvania e maneho nobo ta enserá ku apelashonnan (“bezwaarschriften”) pa añanan 2017 òf mas bieu lo no wòrdu prosesá mas, a ménos ku e kontribuyente manifestá ku e tin interes pa esaki wòrdu prosesá tòg. Esaki pasobra no ta bai kobra e impuestonan durante e añanan menshoná mas. Mayoria kompania i kontribuyente no a keda kontentu i ta sinti nan perhudiká ku e desishon. Pasobra nan si a kumpli i paga miéntras kabinete Pisas a privilegiá e mal pagadónan. Korte a splika e lokual ku Minister a bisa ta kompromete e maneho di impuesto i no por desviá for di esei. Un grupito di kompania lokual a skapa miónes na impuesto.

Segun minister di Finansas, Javier Silvania, e kantidat di bezwaarschriften ku ainda mester wòrdu tabata demasiado pa prosesá i ta opta pa hala un strepi i kuminsá di nobo. Básikamente, e adaptashon di maneho di kobransa ta enserá ku aanslagen enkuanto 2017 òf mas bieu lo no wòrdu kobra aktivamente, teniendo kuenta ku 3 eksepshon. Segun e minister, e kambio den maneho no ta enserá ku a duna abolishon (“kwijtschelding”), pero ku Servisio di Impuesto ta konsentrá su kapasidat limitá pa kobra aanslagnan mas yòn (2018 bai ariba) kual ta subi e posibilidat di kobransa. For di 10 di òktober 2010 Ontvanger a keda mantené e maneho di sanashon ku tabata vigente na Eilandsontvanger. E maneho aki a kontinuá en prinsipio te na instalashon di Gabinete Pisas 2 yüni 2021. Pisas 2 a duna for di su instalashon prioridat na kobransa di impuesto i primanan sosial i na eliminashon di atrasonan atministrativo na belastingdienst. Segun Silvania Pisas 2 a introdusí un maneho (sanering) riba impuesto i primanan sosial adaptá konforme e akuerdo di gobernashon 2021-2025. E maneho aki, al kontrario di e otro manehonan anterior, a wòrdu hasi públiko di moda ku tur hende por a hasi un apelashon riba esaki. Es desir ku e maneho di Gabinete Pisas 2 no tabata pa “family & friends”, pero pa hinter Kòrsou.

Entretantu tin un grupo bastante desepshoná den e desishon di kabinete Pisas 2. Segun Korte di Apelashon (Hof), minister di finansas Públiko Javier Silvania eksonerá impuestonan pa añanan anterior di 2017. Esaki ta nifiká ku no tin eksepshon den desishon di Silvania. Finalmente Korte a trata tur e kasonan (asta esun den kua tabatin sentensia na Aruba promé i a tuma su desishon ayera. Segun Hof Silvania a disidí pa limpia e archivo di Ontvanger i a anunsiá un maneho adaptá na prinsipio dje aña akí.  E adaptashon akí (den prinsipio) ta nifiká ku lo no kobra debenan fiskal di añanan 2017 i mas bieu aktivamente. “For di yanüari 2023, e Minister a duna informashon riba su página di Facebook tokante e perspektivanan i desaroyonan, i tambe ‘afboekingen’ di debe fiskal pa 2017 i mas bieu. Ela asta duna konseho na pagadónan di impuesto pa pidi Ontvanger ‘un debiteurenlijst pa kontrolá si e proseso di limpia a tuma lugá korektamente’. Hof ta husga ku e ekspreshonnan kla i sin reserva dje Minister di Finansa, ku el a ripití riba Facebook i den korantnan (entre otro Vigilante), den e kaso akí ta kondusí na e echo ku Orco (unu di e kasonan) por a dedusí ku Ontvanger lo no kobra e impuesto imponé mas.