Geloven: presidente di e tribunal, Hues mr Geloven durante último dia di tratamentu a ofresé Ansary pa kumpra Mullet Bay.
Nieuwe Haven—Korte di Apelashon a ofresé Hushang Ansary pa e mes kumpra Mullet Bay bek. Esaki ta lokual e último tratamentu den korte di apelashon a presentá riba e último dia di tratamentu, na kual okashon Vigilante tabata e úniko medio di komunikashon presente den sala.
E oferta di Korte di Apelashon a keda rechasá pa Ansary, alegando ku e no tin motibu pa kumpra Mullet Bay. E oferta di Korte a bini despues ku presidente di e Tribunal den Apelashon, mr Geloven a menshoná un suma di negoshashon pa yega na 300 mion florin entre partidonan, lokual alabes por ta e indikashon dikon e korte a yega na un daño di 260 mion florin en bes di e suma haltu di 1.1 miar florin pretendé pa Banko Sentral.
Na e momentunan aki Banko Sentral/Ennia a ninga di partisipá na e órden di korte, pa dos kompania bai balotá e balor di Mullet Bay. Esei ta mustra klaramente ku Banko Sentral/Ennia Leven a entrega nan bataya pa yega na 1.1 miar di daño okashoná pa Grupo Ansary. Si e balor di Mullet Bay yega na 250 mion florin mes, tur e argumentunan di Banko Sentral pa yega na 1.1 miar florin ta kai den otro, pasobra e dividendo ta na 194 mion florin e gastunan a keda na 50 pa 60 mion florin, lokual ta bai kuadra na e balor di Mullet Bay. Ta keda solamente un pida riba e transformashon di Stewart and Stevenson, ku ainda Korte mester bai disidí riba dje.