Tele Curaçao: ATM, Tele Curaçao a súplika pa kanselá e tratamentu i sigui paga Lew Yen Tai.

Nieuwe Haven—Direktor di Tele Curaçao, kende mester ta riba non aktif, a inisiá un proseso sivil kontra di Tele Curaçao. Ta konosí ku entre Hugo Lew Yen Tai i e planta nashonal  tin un disputa okashoná despues ku Tery Hernandez a drenta e kompania den funshon komo maneho interino.

Hernandez apuntá pa Minister Charles Cooper, mester a drenta e planta nashonal pa supuestamente riba órden di Cooper, “drecha” e organisashon. Pero kosnan a sali kompletamente for di man pa lokual ta trata e plan di Hernandez pa reorganisá Tele Curaçao. Hasta un problema enter Cooper kende a apuntá Hernandez, a kuminsá resultando den ofensanan públiko di parti di Hernandez, alegando ku Cooper tin un konosí familiar ku no mag pèrdè funshon na e planta.

Entre Hugo Lew Yen Tai i Hernandez tampoko i kosnan no a bai muchu bon. Hernandez a laga hasi un investigashon forensiko unda el a akusá Lew Yen Tai di kometé aktonan penal. Segun Hernandez na momento e tabata pa bai hasi keho na Ministerio Públiko riba Lew Yen Tai,  Minister Cooper a lobi pa Hunta di Komisario finalisá e kontrakt di Hernandez sin prolongashon.

Hugo Lew Yen Tai si su banda a haña ta sufisiente. El a kuminsá un wisio sumario ku awe mainta mester tabatin tratamentu pa 10.30 am na Nieuwe Haven. Lew Yen Tai tin abogado Lisanne Asjes kende riba djabièrnè último a risibi un karta di Tele Curaçao su representashon pa kanselá e wisio sumario awe mainta. Tele Curaçao (ATM) a kombení pa kontinuashon di pago salarial. ATM ta buskando un solushon mas adekuá pa finalisashon di e relashon ku Lew Yen Tai.

E desishon di djabièrnè ta nifiká ku Lew Yen tai ta sigui den servisio na Tele Curaçao.