AMSTERDAM—Tur aña kompanianan ta transferi entre 94 pa 170 miar euro via Hulanda pa evadí belasting.

Huntu ku Irlanda, Hulanda ta den tòp mundial di paisnan ku ta evadi belasting, segun instituto di investigashon di Union Oropeo ku ta opserva belasting. Dor di manipulá ku ganashi, kompanianan por evita miares na belasting. I ku esaki Hulanda pa años ta un dje destinashonnan di ganashi mas popular. Na 2020 ku a hasi investigashon mas resien, kompanianan di eksterior a kanalisa 180 miar dolèr na ganasho pa Hulanda. Ku esaki Hulanda a surpasa Irlanda, ku tabata number 1.

Despues di e paisnan aki Suisa, islanan Virgen i Luxemburgo ta mas popular pa traslada benefisionan. Segun e investigadonan prinsipalmente kompanianan merikano a usa e metodo aki pa evadi belasting. Un posibel splikashon ta ku den Merka tin hopi kompania tekniko ku tin poko aktividatnan ku ta mara na un lokalidat. Banda di esaki outoridatnan den e pais ta historikamente menos stringente riba evashon di belasting. Un otro problema ta ku bionarionan ta paga poko belasting. Asina EU Tax Observatory ta meldu ku tin bionarionan ku ta paga entre o pa 0,5% belasting riba nan patrimonio. Esaki ta prinsipalmente pasobra nan ta evadi belasting ku kompanianan fiktisio. Te ainda no tabatin un intent serio pa atende ku e situashon segun e instituto. Si investigadonan ta bisa ku den ultimo 10 aña a tuma pasonan mundialmente kontra kompanianan i multimionarionan ku kier paga menos belasting posibel. Aktualmemnte tin interkambio di informashon di banko for di 2017. Esaki ta hasi evashon di belasting via paraisonan fiskal offshore mas difisil. Tambe nan ta haña positivo ku tin plannan pa entrante 2024 introdusí un belasting minimo mundialmente pa multinashonalnan. Tòg tin mas punto pa drecha EU Taks Observatory ta kere ku algun medida ya por kobra miares di ekstra belasting. Nan ta pensa riba e belasting minimu mundial di 2% pa esnan mas riku. Esaki so lo por genera 250 miar dòler. Tambe mester sera burakunan den lei di belasting minimo ku por genera otro 250 miar. E sumanan huntu ta sufisiente pa proteha paisnan pober kontra e konsekuensianan di kambio di klima.