Ramiro Griffith, presidente FFK.
Brievengat—Spònsernan pa e proyekto Ruta Kopa Mundial 2026 huntu ku direktiva di FFK tin plannan serio pa sigui riba e ruta pa buska mas hungadónan dispuesto na representá Kòrsou.
Entre nan Curaçao Airport Holding i CORENDON ta dunando sosten pa un anochi di presentashon na probablemente Amsterdam pa hungadónan ku ainda no a logra yega selekshon. Khalid Sinouh, Ramiro Griffith i sostenadonan ta trahando duru riba e proyekto plania pa tuma lugá riba 25 di Mart.
E delegashon di Kòrsou ta sali djasabra 16 di mart pa Hulanda unda nan ta topa ku e selekshon pa biaha 18 di Mart pa Turkia. E weganan na Turkia ta hunga riba 21 di Mart kontra di Hull City Turkia i 24 di mart kontra di Alanyaspor. Siguiente dia, 25 Mart, e selekshon ta regresá Hulanda pa durante oranan di anochi hasi presensia na e evento unda mas hungadó prospekto tambe ta invitá.