ROTTERDAM—Hulandesnan a gasta den ultimo aña un kantidat di 1,3 miar euro den wega di plaka online.

Esaki ta nifiká un kresementu di e merkado di wega di plaka legal online. Outoridat Kansspelautoriteit (Ksa) ta kalkula e perdida dor di kompará loke ta hinka kontra loke ta gana di e weganan. Tambe a wak e perdida pa kada hungadó. E outoridat ta kalkula ku esaki ta promedio 1000 euro pa mitar aña, ku ta 170 euro pa luna. For di 1 oktober 2021 por hunga wega di plaka online legalmente. Ksa ta evalua si e kompanianan ta kumpli ku reglanan i kuantu hende ta hunga plaka online. Den último 6 luna ta trata di 676.000 hende, ku ta 4,7% di e poblashon adulto. Alrededor di un riba 5 hungado ta entre 18-23. Ku esaki hobennan adulto ta sobrerepresentá pasobra nan ta solamente 10% di poblashon adulto. Si tasina ku nan ta perdè menos plaka promedio 59 euro pa luna. Den introdukshon di wega online legal tambe a pone un registro pa klientenan adikto na wega plaka. E grupo no por partisipá 6 luna na weganan di risiko. Luna pasa tabatin 50.000 kliente den registro.