Javier Silvania: minister di finansas públiko, Silvania a inisiá un proseso ku tabatin hopi aña pega unda doñonan di apartamentu no ta pagando impuesto.

Parera— Hürdónan di kamber, kas òf apartamentu na prinsipalmente turista, ta kreando un diskrepansha di miónes den kobransa di impuesto. Ademas, e situashon ta stimulá trato no igual den maneho fiskal di gobièrnu. For di dia ku a eliminá “logeergastenbelasting” i introdusí OB riba hürmentu di kamber, ainda e problema a keda eksistí.

Te ainda no por determiná kuantu eksaktamente e daño okashoná ta anulamentu, pero aplikashon di e turístiko modelo den pasado a duna un aserkamentu di por lo ménos 10 mion florin tur aña. Gobièrnu, a duna ofisina di BAB e tarea pa kuminsá buska tur propietario no registrá pa imponé kobransa retrasá.

Pa hopi aña, esta for di kambio di milenio tin un diskrepansha di por lo ménos, 10 mion florin na entrada di impuesto riba kamber pa estadia na Kòrsou. (OB kobrá riba kamber). Esaki ta un punto lokual entre otro, eksperto den sifranan makro ekonómiko di turismo, Zulaika Mook a yega na presentá. Segun Mook, durante un presentashon na 2019 nan pronóstikonan, uzando e Turistika Model i Curalyse, ta indiká ku te ainda Kòrsou no ta kobrando e potenshal na suma retrasá riba OB.

Ta konosí ku tin un diskrepansha entre e sifranan di e modelo i sifranan práktiko den realidat. Asina por ehèmpel Turístika ta pronostiká un entrada di 25 mion florin na impuesto riba benta di kamber. Pero en realidat Kòrsou ta kobra solamente 15 mion florin den su kaha. Esaki tin di haber ku diferente faktor. Na promé lugá, Turístika ta asumí ku tur okupashon registrá ta resultá den pago di impuesto. Esei no ta bèrdat. Mayoria alokashon ku no ta hotèl, no ta pagando nan impuestonan riba kamber. Esaki ta un bataya ku tantu CTB, Ontvanger i MEO ta bringando pa hopi aña sin por bini kla kuné. E problema ta un problema fiskal unda gobièrnu no tin e èrmènt mediante un dekreto pa por kobra e impuesto serka alokashonnan ku no ta hotèl.

Un di dos faktor ta tin un grupo di hotèl no ta pagando ontvanger debidamente unda a krea un retraso. E retaso a oumentá i bira asina tantu pa diferente motibu. Atraves di tempu, Ofisina di Turismo tabata enkargá pa saka e fakturanan di kobransa (aanslag) riba Impuesto di Estadia. Esaki tabata sosodé abase di lokual e hotèlnan tabata deklará komo anochi bend’é. Ontvanger, no tabata enkargá ku e faktura debí ku gobièrnu tabata pensa ta mihó laga Ofisina di Turismo hasi esei. Ku tempu, debí na falta di personal a surgi un retraso di miónes serka mayoria hotèl na Kòrsou, prinsipalmente e grupo di manehá bou di e konsorsionan hulandes. E retraso ei nunka no a wòrdu kobrá mas unda a surgi un disputa serio entre e hotèlnan, Ontvanger i Ofisina di Turismo. E hotèlnan tabata tilda Ofisina di Turismo di no ta kobra e kasnan di estadia, ku entre tantu a bira AirBNB.  Na dado momento, bou di minister Jose Jardim, gobièrnu di Kòrsou a eliminá e sistema di Impuesto riba Estadia i introdusí Impuesto riba Benta (OB).