Esaki ta forma e base pa e struktura di impuesto riba entrada pa 2024.

WILLEMSTAD – Gobièrnu a publiká un Areglo Ministerial generalmente vigente pa ehekushon di artíkulo 25 insiso 1 di e Lei di Impuesto riba Entrada di 1943. E Areglo Ministerial ku ta drenta na vigor dia 1 di yanüari 2024, ta determiná e sumanan nobo di impuesto riba entrada pa otro aña. Lo no tin forsa retroaktivo pa e Areglo Ministerial akí.

E Areglo Ministerial ta kontené e tabèl ku ta forma e base pa e struktura di impuesto riba entrada pa 2024 (artíkulo 1). Artíkulo 2 ta determiná e sumanan spesífiko manera 2.771 florin na redukshon básiko (“basiskorting”), 1.691 florin na kompensashon pa un persona soltero ku tin ku mantené un otro (“alleenverdienertoeslag”), 1.276 florin na kompensashon pa un hende mayó di edat (“ouderentoeslag”) i 640 florin pa un hende mayó por transferí. I variando entre 91 florin pa 901 florin na kompensashon pa yu (“kindertoeslag”).