Polis a sera e kaminda pa asina e Imkernan por a hasi nan trabou den tur trankilidat.
Willemstad— Polis mester a sera un parti di Dominquito pa asina dos Imker hasi e trabou pa deshasí di un nèshi di abeha basta grandi.
Tabata nèt na e krusada di e dos Kayanan Awakatiweg i Larahaweg ku habitantenan di e bario di Dominquito a tuma nota di un plaga di abeha. Mesora a pone polis na altura di e situashon kual na nan turno a pidi asistensia di un Imker esta un eksperto riba e tereno di abeha. Polis presentá i a sera un parti di e kaminda pa evitá ku na momento e Imkernan tabata hasiendo e trabou pa deshasí di e nèshi di abeha esaki por plama i ataka kualke persona ku por ta den e aria. A tuma nota ku e abehanan a traha nan nèshi den un katròl. Ku basta fasilidat e Imkernan a deshasí di e nèshi di abeha i tambe a kue e kahanan ku tabata kontené stropi.