Minister di finansa Javier Silvania

Willemstad,– E reguladó oustraliano ACMA resientemente a manda un karta pa e minister di finansa di Kòrsou, Javier Silvania ku a forma un diálogo entre ACMA i e hunta di kontròl di weganan di azar na Kòrsou.

Den e kòmbersashonnan aki a keda bon kla ku e infrakshonnan di parti di kasinonan den eksterior no por keda ignorá,  sino ku nan tambe ta keda inkluí den e proseso di evaluashon di un solisitut di pèrmit bou di e lei nobo di weganan di azar na Kòrsou.

Despues di e solisitut di WOB, e Outoridat di Komunikashon Oustraliano i medionan (ACMA). a publiká dokumentonan interno. E dokumentonan aki ta kontené komunikashonnan entre ACMA i e outoridatnan di Kòrsou. Entre e dokumentonan tambe tabatin e karta di ACMA ku nan a manda pa e minister di Kòrsou, Javier Silvania.

ACM a indiká ku nan lo kier yuda Kòrsou, debí na e echo, di ku hopi kasino online ku ta ópera bou di un sup lisensia di Kòrsou, ta ilegal na Oustralia. Komo resultado ACMA ta persiguiendo aktivamente esnan ku tin e sup lisensia nan aki.

Den e kontesta, un representante di e hunta di kòntròl di e weganan na Kòrsou (GCB) a manda un mail pa ACMA, konfirmando ku Kòrsou ta habri pa e koperashon. Ademas GCB a primintí di tuma kontakto ku esnan ku tin lisensia ku a duna kasinonan online sup lisensia pa nan por a infiltrá den e weganan di azar na Oustralia.

Un komunikashon entre GCB i ACMA a resultá den un reunion programa i ku a tuma lugá dia 7 di yüni. Durante di e reunion ei, representantenan di GCB a splika kon e lei nobo di Kòrsou ta funshoná pa ku e weganan di azar. Nan a pone un kos den e lei ku ta pone ku esnan ku tin sup lisensia mester bolbe solisitá pa un lisensia pa nan por sigui operá nan kasino on line bou di un lisensia di Kòrsou. Nan a pon’é di tal manera ku e infrakshonnan estranhero lo ser tene na kuenta den e evaluashon di e solisitutnan nobo aki.

E lista di e sup lisensianan ku a violá e lei di azar na Oustralia, ku ACMA a pone, lo ta útil den e proseso di solisitutnan nobo pa lisensia di parti di GCB, kual ta kuminsá otro luna. Ademas di e kasinonan on line ku a solisitá  pa un lisensia nobo di Kòrsou, nan lo mester hasi e prosedimentunan pa resolvé e disputa ku e klientenan ku a keda afektá, manera e oustralianonan.

CGB a enfatisá  na ACMA e intenshon di sigui kompartí informashon di manera informal den futuro i spera un mayor koperashon. Esaki tambe ta loke lo ser apliká na e futuro Outoridat di weganan di azar na Kòrsou, ku lo sosodé bou di e lei nobo di weganan di asar.