Minister di GMN Javier Silvania a indiká ku promé ku adaptá e kompensashon, mester warda riba investigashon di outoridat di salubridat(CZA).

Punda,– Despues ku gobièrnu i representantenan dje botikanan(VAE) a tene diferente reunion tokante un posibel oumento den kompensashon di remedi, riba 16 di novèmber, Minister di GMN a manda un karta indikando ku su ministerio ta konsiderando pa outoridat di salubridat(CZA) ehekutá un investigashon tokante e kompensashon.

Aktualmente tur botika ta risibí 7 florin di kompensashon pa kada remedi ku nan duna un pashènt. Na momentu un pashènt entregá un reseta ku tin 3 remedi, e botika ta risibí 3 remedi x 7 florin di gobièrnu + 3 florin di e pashènt.

Den e karta ministerio di GMN a indiká ku pa insiá e investigashon mas lihé posibel, “Burea Telecommunicatie & POst(BTP) mester entregá un plan di investigashon riba 24 di novèmber ya e kordinashon por kuminsá na dezèmber.

Komo respuesta BTP a indiká den un karta ku e investigashon ta bai dura por lo ménos 6 luna. Mas aleu e temporada di investigashon lo dependé fuerte riba kon rápido un botika lo duna e dokumentashon nesesario pa investigashon. Informashon ku botikanan mester entregá ta inkluí informashon di produkshon, informashon di atministrashon di kada botika. Sinembargo e karta ta indiká pa sòru ku e resultado di e investigashon ta konfiabel, 66% di e botikanan mester partisipá na e investigashon.

Den e trayekto di investigashon pa desaroyá i aprobá e investigashon ta planiá ku esaki ta sosodé pa yanüari 2024. Despues lo kuminsá ku e trayekto di “aanbesteding” na febrüari 2024, e planifikashon ta mustra ku ehekushon di e investigashon ta kuminsá despues di mart 2024. Abase di e planifikashon e investigashon mes ta dura entre 4 pa 6 luna.

Den e sekshon di tuma un desishon i entrega di e resultado no tabata tin un fecha destiná.