Zita kiersa kon ta ku e asuntu di trahadónan ora ku e refineria habri.

Willemstad,– Zita Jesus Leito a splika ku por mira kon parlamentarionan di koalishon a traha nan karta hasi pregunta pidi dokumento sin haña esakinan.

E ta bisa ku e no tabata pa papia, pero ku ora bo tende sierto kos bo mester reakshoná.

“Nos a kere ku den 2023 kosnan ta bai ta otro i ku bèrdat e koalishon aktual lo a kumpli pa awor si e asuntu di refineria aki keda kla”, pues Zita Jesus Leito.

E ta bisa ku tòg bo ta mira ku e aktual koalishon ta bai bèk pa tira lodo riba e gobièrnu anterior. “Bo no por bisa ku kier a sera refineria, paso ta hopi kos ser hasi pa wak pa e refineria a keda habri. E loke ta pasando ta ku ta hasiendo polítika ketu bai ku e asuntu aki. Pueblo ta kansa i pueblo ta wak e gobièrnu aktual pa habri i tene e refineria habri, kual ta algu ku tur hende ta ansioso pa logra”, asina Zita ta bisa.

“Nos mes a bai bedrijfschool pa mira kiko ta e plannan pa pone hende na trabou, pues señor Newton lo mester splika ku aparte di e 200 hendenan  ku ya a keda di tren, kon e ta mira e aspekto di trahadó pues hendenan sufisiente pa hasi e trabou i pa nan ta hendenan lokal. Zita ta bisa ku lo bon tambe pa parlamento sa kon ta ku e parti di operashon di refineria ku gas.