TIEL—Polis a konfiská un total di 577 kilo di vurwerk profeshonal i ilegal djaluna den serkania di Tiel.

Polis a detené un hòmber (57) di Tiel. For di investigashon a indika ku e sospechoso ta trafika den vürwerk ilegal. un team ambiental di polis a hasi entrada riba un tereno industrial na Buurmalsen. E vurwerk tabata den un konteiner. 46 otro eksplosivo fabriká a keda konfiská. Den último añanan kriminalnan ta kumpra vürwerk peligroso pa traha eksplosivonan improvisá. Hopi di eksploshonnan dilanti kasnan of kompanianan ta keda okashoná pa e tipo di eksplosivonan aki.