Vehíkulo envolví den e kaso di ‘hit and run’ kual a keda konfiská.

Willemstad— Ayera polisnan di tráfiko a detené un  shofùr ku a hasi su mes kulpabel na un kaso di hit and run.

Tabata den oranan di atardi ku e polisnan di tráfiko despues di un investigashon realisá a sali i a  detené un hòmber kual a hasi su mes kulpabel na un kaso di Hit And run. E hòmber aki despues di a kousa un aksidente mester a bandoná e sitio den su vehíkulo. E polisnan a detené e shofùr kua bin resultá di  ta un hòmber nase na Bèlgika di 27 aña. Tambe a konfiská su vehíkulo bai warda kuné pa mas investigashon. durante di e investigashon na warda a bin tuma nota ku e hòmber aki ta kedando di un forma ilegal riba nos Pais. Mesora e hòmber aki a wòrdu pasa pa e departamentu di imigrashon ku a enkarselá e hòmber pa asina e wòrdu deportá pa su pais natal.