Punda- Den kuadro di e proseso pa inisiá un Enkuesta Parlamentario riba Curacao Medical Center/HNO, kasonan sivil den korte ta konfirmá un seri di mal pago ku a tuma lugá entre e kompania Berenshot i fundashon SONA.

Segun e tratamentunan den korte por konkluí ku na novèmber 2013 e proyekto di hospital a kambia di NHN pa HNO (Hospital Nobo Otrobanda). Verediktonan den korte ta menshoná bon kla ku gobièrnu tabata paga SONA durante un periodo i SONA tabata paga e struktura di Berenschot/ Ballast Nedam. SONA tabata paga, sin konsiderá balides di fakturanan di Ballast i Berenshot. Esaki a bini dilanti durante disputanan den korte sivil durante añanan 2018 pa 2019.  SOAB a konkluí den nan komunikado emití,  ku por papia di un konflikto entre SONA i Berenschot International (BINT) relashoná ku e status di e akuerdo di maneho i e responsabilisashon finansiero di plakanan ku esun partido mester paga e otro Segun korte, mayoria di e mal pagonan a tuma lugá durante e periodo ku e “zakenkabinet” na 2013 i kambio na yega na kabinete Asjes i Whiteman I i II. Aparte di pagonan ku no tabata korespondiente na faktura, tin hopi kuestionabilidat riba e tarifa di ora apliká pa Berenschot pero tambe lokual SONA tabata kobra gobièrnu di Kòrsou pa nan servisionan. Mester bisa ku tur a kos a inisiá bou di un akuerdo for di 2011, unda SONA a kumbiní ku Berenschot riba pagonan di 1 mion mensual i gobièrnu tabata paga SONA pa SONA paga Berenschot. Es desir, tabatin un relashon di kuenta koriente entre SONA i Berenschot. Lokual tabata remarkabel te hecho ku gobièrnu durante 4 aña largu, nunka no a kontrolá kiko SONA tabata pagando Berenschot i na 2013, kosnan a bin pega formalmente. Na 2012, momento a kambia di sitio bai Otrobanda, SONA a kambia su struktura di kobra gobièrnu di Kòrsou riba un % dje konstrukshon. Pero, entre Berenschot i SONA a keda kumbiní na paga 1 mion na inisio di tur luna. Berenschot a kuminsá akusá SONA di tabata pagando lat despues ku nan di nan parti mester a warda riba gobièrnu. Den e bruashon aki, Kòrsou a pèrdè miónes nan desperdisio i no tabatin un kontròl efisiente debí na falta di kapasidat den seno di SONA.