Michelangelo G. Martines

Willemstad—-Partido K.E.M. huntu ku su lider polítiko, señor Michelangelo G. Martines, pa medio di esaki ta súplika lo siguiente na  minister señor Ruisandro Cijntje, esun polítikamente responsabel pa Aqualectra N.V:

Gobièrnu di Kòrsou a anunsiá, ku entrante djadumingu dia 1 di òktober próksimo, tarifa di awa ta subi ku 41 sèn. Nunka promé den historia di oumento di tarifa, Kòrsou a konosé un oumento drástiko asin’aki. E oumento menshoná aki, lo trese konsekuensianan sosial i higiéniko pa diferente kasnan di famia.

Partido K.E.M. a tuma na kuenta ku:

• Awa ta e líkido mas importante pa un ser humano su sobrebibensia;
• Tin 83,506 konekshon di awa na residensianan;
• 7,357 konekshon di awa Komersial i Industrial;
• Aqualectra ta bende diariamente 24,750 m³ di awa;
• Aqualectra ta bende anual 9,033,824 m³ di awa;
• Benta di awa a baha 108,549.000(aña 2021) versus 109,930.000(aña 2020 = -1,381.000 = 1%);
• Benta di awa na 1000m3 a baha,  9,776.000(aña 2021) versus  9,845.000(aña 2020 = -69.000 = 1%);
• Den pasado resien E reguladó(BTP), pa evitá ku ta subi tarifa di awa a hasi uso di un komponente den tarifa di elektrisidat pa kubri e under-coverage di e tarifa di awa;
• Ya kaba tin míles di kasnan sin awa, pa motibu ku esakinan ta deskonektá;
• Artíkulo I.1(United Nations) states that “The human right to water is indispensable for leading a life in human dignity.
• ‘Determination of tariffs The Ordinance for Prices (“Prijzenverordening”) states that the authority for the determination and the adjustment of electricity and water tariffs, lies with the Government of the Country of Curaçao’;
• E oumento drástiko aki ta trese konsekuensia finansiero den tur sektor di pais;
• Komunidat ketu bai ta warda, manera primintí riba lantamentu di un büró energétiko;
• Aqualectra ta kumpli kabalmente, ku pagonan mionario pa fiansanan hasi na CIBC/MCB i MJP;
• Aqualectra N.V. a hasi ganashi astronómiko di 27,947,000 florin (aña 2021) versus 7,062,000 florin(aña 2020);
• Artíkulo 25 di Areglo di Estado ta stipulá, ku gobièrnu di Kòrsou ta tuma medidanan pa promové salubridat públiko;
• Gobièrnu di Kòrsou a primintí di baha preisnan energétiko lokal.

Partido K.E.M.  a base di tur esakinan ariba menshoná ta aserka Bo persona, pa rekonsiderá/posponé e drentamentu na vigor di e oumento drástiko di 41 sèn di e tarifa di awa. Esaki lo aliviá kasnan di famia, hasimentu di negoshi den sektornan vital di pais.