Maneho di awa ta sigui den 2024.
Willemstad, — Den aña 2024 tambe lo sigui invertí den maneho efektivo di awa di áwaseru i awa ku e konsumidó ta deshasí di dje. Esakinan lo wòrdu hasi pa asina por kuida salú i medio ambiente.
Ministerio di VVRP ta konsiente tokante un maneho korekto di áwaseru i awa ku e konsumidó ta deshasí di dje ta di importansia. Un maneho korekto di esaki ta importante pa un medio ambiente sostenibel, tambe pa mantené tereno i medio ambiente limpi, i pa garantisá nos fuentenan natural di naturalesa. Segun e promé konsepto di presupuesto pa e periodo nobo di 2024 pa 2027, tambe ke invertí den un maneho efektivo di awa pa e añanan binidero.
Den aña 2024 lo traha na konstrukshon, maneho i mantenshon di sistema di kanal di awa), konstrukshon i mantenshon di konekshon di kas na sistema di kanal (inkluyendo trabou riba mantenshon atrasá), konstrukshon, maneho i mantenshon di sistema di drenahé di awa. Tambe lo traha riba konstrukshon, maneho, renobashon i mantenshon di instalashon di purifikashon di awa.
Pa ehekutá e proyektonan aki, lo kontratá ekspertonan i, unda nesesario, lo hür personal ku e hèrmèntnan nesesario pa tene supervishon i hasi inspekshonnan. Tambe ta nesesario pa kontratá ekspertonan eksterno pa e investigashonnan di laboratorio pa e entrega di awa purifiká na klientenan i pa e benta di lodo.
Un maneho korekto di drenahé di awa ta importante pa kuida nos medio ambiente. Awa residuo por kontené sustanshanan peligroso i kontaminashon ku por afektá medio ambiente. Awa residuo ku no a wòrdu purifiká ku ta yega bèk na por ehèmpel laman òf kuerponan di awa natural por kousa kontaminashon di awa i daña e ekosistemanan akuátiko. Pensa aki riba e diskushon nan ku ta tuma lugá den área di Shut, kual ta un área informal pa deshasí shushi di awa den laman.
Awa residuo ku no a wòrdu purifiká por kontené agentenan patógeno, bakterianan i vírus ku por pone salú di hende na peliger. Purifikashon adekuá di awa residuo ta prevení distribushon di malesa i ta protehé salú públiko.
Ta asina ku gobièrnu a aloká 6.9 mion pa aña pa asina por manehá nos sistemanan di awa riba un forma efektivo. Sinembargo, a presupuestá 985 mil pa maneho i mantenshon di sistemanan pa kapturá áwaseru.