WILLEMSTAD,—-Tabata djadumingu tras di lomba ku a tuma lugá e sertámen di beyesa “Miss Curaçao Teenager” 2023. Ta trata aki di un sertámen ku a kuminsá aña 2003 bou di maneho di Aubry America i ku a bira un di e sertámen nan di mas popular den mundu di beyesa lokal.

Ta asina ku e sertámen menshoná a tuma lugá na Renaissance Wincreek Curaçao,kaminda ku tabatin un públiko hopi grandi ku a bin presensia e sertámen en kuestion. Un total di 11 partisipante bon prepará tabata fuerte den bataya pa ku e di 20 korona.

Mester bisa ku e 11 partisipante nan 6 di nan pa seis finalista i despues tabata kuater ku a pasa pa e buèlta final. Tabata aki nan ku e sertámen a bira mas interesante,paso tur e partisipante nan tabata asina bon prepará ku sigur e kuerpo di hurado no tabatin anochi fásil pa por a yega na e desishon final .

Tabata djadumingu anochi ku Keyaisha de Palm ta bira e di 20 beyesa ku ta keda korona komo “Miss Curaçao Teenager”. Un bes mas mester bisa ku tur 11 partisipante tabata bon prepará i esaki ta loke ku a hasi e sertámen mas interesante ainda. Ya for di ayera a anunsiá ku e fecha di “Miss Curaçao Teenager” lo bai ta dia 7 di uli próksimo.