WILLEMSTAD—–Den reakshon riba un artíkulo ku a keda publiká den Antilliaans Dagblad djabièrnè 24 di mart 2023, Ministerio di Finansa kier aklará ku, kontrario na lokual a keda publiká, no tin insertidumbre tokante renovashon di e masterlicensenan eksistente.

Ministerio di Finansa ta rekonosé e importansia vital di e industria di online gaming pa prosperidat di Kòrsou. Por lo tantu, mediante un karta fecha 29 novèmber 2022, ministerio di finansa a informá Gaming Control Board ku no tin ningun opheshon pa parti di ministerio di finansa tokante prolongashon di e lisensianan eksistente un un periodo di 1 aña òf te ku introdukshon di LOK (esun ku sosodé promé). Ministerio di Finansa a suprayá ku mester respetá e kuadro hurídiko eksistente na momentu ku prolongá e lisensianan di e master license holders.

Ademas, riba 8 di desèmber 2022, Ministerio di finansa e tene un reunion ku e master license holders, den kual a komuniká e desishon aki verbalmente na e master license holders. Tambe e siman aki tin atrobe un reunion plania ku e sektor, ya ku nan aporte ta sumamente importante pa éksito di e trayekto aki. Ministerio di finansa ta plenamente komprometí pa renová e leinan tokante online gaming i lo hasi todo por todo pa realista e vishon aki.