DEN HAAG—Gobiernu mester tuma inisiativa den e lucha kontra labamentu di plaka, segun un koalishon amplio den komersio.

Legislashon i regulashonnan ta pone ku hopi biaha komunidat empresarial no por eherse nan rol di vigilante di e sistema finansiero. E koalishon ku a hasi e yamada ta konsisti di bankonan, notarionan i sektor di benta di kas. Nan ta sinti falta di orientashon i prioridatnan den maneho di kombatimentu labamentu di plaka. Pa e motibu aki nan ta boga pa un kordinadó nashonal di gobièrnu. E organisashonnan kier traha riba un sistema di alerta mutuo. Un sistema asina bankonan i kompanianan di seguro ta usa pa kombati froude. Legislashon i reglanan ta stroba e lucha kontra labamentu plaka. Asina organisashonnan di e koalishon kier mas interkambio di informashon. Pero esaki ta supuestamente kontra protekshon di privasidat. E sistema aktual no ta traha efisiente i efektivo pa empresanan. Kriminalnan tin man liber via bankeronan klandestino mientras bankonan ta haña nan obligá na ninga klientenan pasobra nan no ta kumpli ku sierto reglanan.