ROTTERDAM—Luna pasá Duana a interseptá un lote rekòrt di 8064 kilo kokaina den haf di Rotterdam, ta trata di un kantidat úniko den Hulanda.

Tabata dia 13 yüli ku Duana a deskubrí 8064 pakete di kada 1 kilo kokaina den 12 paletnan di bakoba, segun informashon di Ministerio Públiko. Ministerio Públiko no a duna informashon di e lote pa motibu di e investigashon. E droga tin un balor riba kaya di 600 mion euro segun Ministerio Públiko. E konteiner tabata prosedente di Ecuador i a drenta Rotterdam via Panama. Durante kontrol ku kachonan spesial i un skan di konteiner Duana a haña e droga den e paletnan. E team di HARC (koperashon entre FIOD, Duana, polis di haf i Ministerio Públiko) ta sigui ku mas investigashon. entretantu e droga a keda destruí.