WILLEMSTAD – Parlamento lo risibí e proyekto di lei pa Enseñansa Spesial di Fundeshi, awó ku Konseho di Ministernan a aprobá esaki.

Lo presentá e proyekto di lei na gobernadó Lucille George-Wout, konforme e petishon di Minister di Enseñansa, Siensia, Kultura i Deporte riba 5 di aprel último, i segun e konseho di e Direktor di Direktorado di Lei i Asuntunan Hurídiko di 5 di yüli 2023. E proyekto di lei akí tin komo meta pa ofresé un kuadro hurídiko pa brinda enseñansa di kalidat na alumnonan ku tin nesesidatnan spesial di enseñansa na Kòrsou. Esaki ta un paso importante pa dilanti den e esfuerso pa tin enseñansa inkluyente, unda tur alumno tin oportunidat igual pa desaroyá i krese, independientemente di nan nesesidatnan individual. Presentando e proyekto di lei akí na Parlamento, ta kuminsá un proseso demokrátiko importante, unda e representantenan di e pueblo tin e oportunidat pa diskutí i aprobá esaki, promé ku e bira lei.