E universidat di Kòrsou tin kasi dos dékada di eksperensia ku evaluashonnan di programanan di parti di NVAO, pero ainda no ku un prueba di garantia di kalidat institushonal (ITK).

Willemstad,– Lo dura por lo ménos kuater aña promé ku e Universidat di Kòrsou ta kla pa kompletá eksitosamente un prueba di garantia di kalidat insitushonal.

E situashon ta hopi alarmante, debí na e problemanan atministrativo, e bahada di e kantidat di estudiantenan, e problemanan finansiero i e sistema frágil di garantia di kalidat, e kontinuidat di e eksistensia di e Universidat ta den peliger. Esaki ta e konklushon di un pènel spesial ku a wak e referensia i a asesorá e universidat tokante di e base aki. E prueba di garantia di kalidat insitushonal (ITK) ta evaluá si e institushon ta konta ku un kultura di kalidat i un sistema di garantia di kalidat ku ta garantisá sufisientemente ku e edukashon ta kumpli ku e espektativanan i rekisitonan nashonal i internashonal.

NVAO ta nifiká Organisashon di Akreditashon Hulandes. E ta un organisashon independiente responsabel pa e akreditashon i evaluashon di institushonnan i programanan di edukashon superior den paisnan di reino.  E universidat tin kasi dos dékada di eksperensia ku evaluashonnan di programanan di parti di NVAO, pero ainda no ku un prueba di garantia di kalidat institushonal (ITK). Promé UoC tabata kier a solisitá evaluashon di ITK pa NVAO den 2024/2025, pero despues di e promé evaluashon, esaki a resultá di no ta faktibel. E pènel ku a hasi e evaluashon riba e base, a ser forma pa e propio Universidat i e ta formá pa ekspertonan ku ta traha di forma independiente na e instituto. E pènel tin outoridat na nivel atministrativo, e tin eksperensia edukativo den edukashon superior, eksperensia den ouditá i eksperensha riba tereno di diseño i e efikas di e sistemanan di garantia di kalidat. Si e evaluashon di garantia di kalidat institushonal no keda evaluá sufisiente, esaki lo por tin vários konsekuensia pa e universidat di Kòrsou. E posibel konsekuensianan ta inkluí un akreditashon negativo, loke ta nifiká ku ta posibel ku e instituto lo no ta outorisá mas pa ofresé sierto programanan i otorgá akreditashon nan. E akreditashon nan eksistente tambe lo por keda revoká, loke ta nifiká ku su diploma ya no ta legalmente útil pa e studiantenan, a lo ménos no pafó di Kòrsou. Un evaluashon insatisfaktorio lo por daña e reputashon públiko di e Universidat i kita e konfiansa di e studiantenan, mayornan i otro partinan interesá.