Chesron Isidora ta kompartí informashon huntu ku studiantenan di UoC den kuadro di e evento ‘The Future of Sustainability’ ku a keda organisá na UoC.

Willemstad, –Chesron Isidora, direktor di Korpodeko tambe tabata presente na UOC na e  evento ‘The Future of Sustainability’ pa asina kompartí informashon di servisio ku Korpodeko ta duna.

Chesron Isidora direktor general di Korpodeko tabata presente na UoC pa asina duna informashon di lokual Korpodeko ta traha riba dje. Chesron Isidora a menshoná ku sostenbilidat ta un tema òf palabra ku mester internalisá, paso esaki ta keda aplikabel na mayoria kos ku nos ta hasi. Loke Korpodeko ta hasi eduká empresarionan pero tambe otro personanan. Tambe Chesron Isidora a menshoná ku Korpodeko ta promové e konsepto di ta un empresario dor di duna krédito ku a kaba di kuminsá i den sektor di riesgo, i tambe hopi biaha negoshi ku no a proba nan mes ainda.

Isidora a kompartí ku e áreanan ku e menshoná no ta algu ku un banko normal ta finansiá. Si ta un konsepto nobo di negoshi ku no a keda aprobá ainda hopi biaha ta hasi esaki ku e empresario su mes sèn paso esaki ta un riesgo. Si e Korpodeko ta hasi un mikro finansa di alrededor 3500 florin,  krédito mediano, krédito grandi, i tambe garantia pa krédito i ta duna informashon. Di kada 10 hende ku yega na Korpodeko sigur gran parti di nan ta bini pa informashon.

E direktor general di Korpodeko a kompartí ku preguntanan ku ta keda hasí ta entre otro unda mester bai, struktura legal. Ta yuda personanan ku nan plan di negoshi pero no ta traha esaki pa e kliente segun Chesron Isidora ta menshoná. E direktor ta menshoná ku un plan di negoshi no ta yuda haña krédito, pero ta simplemente pa Korpodeko sa ku e kliente sa kiko e ta bai hasi.