Korte di Hustisia den Promé Instansha huntu ku Ministerio Públiko, Reclassering i abogado, a trata na koperá ku otro pa logra skapa un hóben di 16 aña, for di e kaminda kriminal.

Nieuwe Haven—Korte di Hustisia den Promé Instansha huntu ku Ministerio Publiko, Reclassering i abogado, a tata na koperá ku otro pa logra skapa un hóben di 16 aña, for di e kaminda kriminal.

Ta trata di un hóben, kende riba 2 di mart último, a atraká un hòmber den bario di Cas Cora na momento e hòmber tabata kana riba Ledaweg. Segun e viktima M.J., na dado momento e tabata kana bayendo direkshon pa kumpra un pan pa kome, e la konfrontá e hóben di 16 aña ku tabatin su kara tapá. E hóben lo mester a saka un arma di kandela nikel i pidi e hòmber tur sèn i su telefon selular. E viktima lo a spanta di duna e hóben atrakadó e telefon selular. Riba un otro selular e víktima a yama polis.

Ta trata di unu di e tantísimo kasonan unda hóbennan ta kai den problema ku krímen. Reclassering a hasi un tremendo trabou ku e hóben i a guia korte pa yega na un bon veredikto. Ayera e hóben a atmití e atrako. Pero el  a desmentí di a uza of sala un arma di kandela. E hóben for di 2021 ta bou di guia di Reclassering hubenil i tabata kliente di AJC, (GOG). Korte a yega na un veredikto unda e hóben mester a sinta 3 luna, nifikando e por bai kas den algun dia, pero bou di kondishonnan estrikto. E hóben mester keda na skol, keda bou di guia di Reclassering Hubenil i mester bai tratamentunan sikológiko rekomendá pa Reclassering.