Suzy Larmonie.

WILLEMSTAD, –Dia 29 di aprel Fundashon Kalidat Profeshonal Edukashonal Kòrsou (KPEK) ta tene konferensha di mesa rondó huntu ku partnernan den enseñansa.

Suzy Larmonie di OWCS ta informá ku konforme e programa nobo mehorashon di enseñansa ku a keda lansá na desèmber 2023 lo sigui traha riba mehorashon di enseñansa. Suzy Larmonie ta bisa ku lo bai para ketu riba e investigashonnan i tambe tene algun konferensha riba e temanan importante pa mehorashon di ensenansa. Ta kontentu ku KPEK ta un partner ku ta traha pa mehorá enseñansa i ku KPEK ta pone atenshon tambe riba temanan ku mester mehorá. Suzy Larmonie ta bisa ku ta hopi kontentu ku e proseso ku KPEK a sigui te ku akinan pa asina haña tur lokual e vèlt di enseñansa ta pensa ku lo kontribuí na mehorashon di enseñansa. Pues huntu ta yuda ministerio OWCS riba e puntonan den enseñansa ku mester mehorá i den un grupo konhunto ta sinta pa asina trese mehorashon riba e puntonan.

KPEK huntu ku Pan American Development Foundation (PADF) a organisá e konferensha di mesa rondo speshal pa e partnernan. E proyekto ‘Optimalisá oportunidat den Ensenansa’ ta un proyekto kaminda ta para ketu na diferente forma di pobresa ku profeshonalnan den enseñansa ta haña nan mes konfrontá kuné den nan trabou di tur dia i kon i òf kiko por hasi ku esaki na nivel di skol.  Anteriormente e partnernan a presentá nan plan di mas aña 2024-2027 na minister di OWCS i tambe direktivanan di skol. Na novèmber 2023 KPEK a presentá nan plan di mas aña na trahadónan den enseñansa i tur ku a mustra interes den esaki. Un presentashon a keda duná na Kafé Edukashonal pa e aña eskolar na fin di 2023 último.

Den e plan di mas aña KPEK a punto algun punto komo prioridat pa traha riba dje durante añanan 2024-2027.