ROTTERDAM—KPN a deskonekta un kantidat di 3 mion liña di telefon di kasnan, prinsipalmente na lugánan kaminda el a instalá su propio ret di fibra optiko.

Asina ta pusha e hendenan pa pasa pa e ret di fibra optiko di KPN of Ziggo. Den henter pais ta instalando retnan di fibra optiko. KPN tin kaba 59% di tur kas riba e ret di fibra optiko, segun e kompania a anunsia den su sifranan di promé kuartal di 2024. Tur kaminda ku KPN pone su propio ret fibra optiko, e kompania ta deskonekta e liña di telefon. Ku esaki e kabel fibra optiko ta remplasa e liña telefon., ta trata di 3 mion kas. Esaki no ta nifiká ku e kliente ta pèrdè su number, pero ku ta yama via e ret nobo di KPN. Pero ku esaki ta kombati kompetensia. Meimei di añanan 90 e merkado di telekoomunikashon a keda privatisá i KPN a bira doño di e ret di telefon lokal. Asina por aboná riba internet serka otro proveedornan. Nan ta 10-15 euro mas barata pa luna ku e oferta di KPN. KPN ta subi su preis di abono tur aña. Den 2023 ta trata di un oumento di 6,4%. E preisnan di abono riba selular a subi ku 8,4% den 2023. E entrada di abono di internet a subi ku 3,6% na 450 mion euro e promé kuartal di 2024. Ku interes i belasting e ganashi di KPN a baha ku 11% na 175 mion euro kompará ku 196 mion euro den mesun kuartal 2023.