DEN HAAG—E plan di gabinete pa hasi kuido pa muchanan kasi gratis ta keda pospone ku dos aña i lo keda introdusí te 2027.

E sektor no ta logra haña sufisiente personal si e demanda pa kresh oumentá. Esaki posiblemente lo kosta gabinete mas debí na tarifanan mas haltu. E introdukshon kouteloso di e sistema nobo ta krusial pa tantu mayornan, e sektor komo e implementashon segun minister Karien van Gennip (Asuntunan Sosial). Ta un lès saka di e problemanan ku kompensashon pa yunan. Den e akuerdo di koalishon a palabra ku kambionan den kuido pa mucha (kresh) lo keda introdusi den 2025. E posponementu ta un sla pa mayornan pero bentaha finansiero pa gabinete, ku pa prome biaha den años ta buska posibilidatnan pa ekonomisá. E plan tabata pa gobiermu tuma tur egastunan pa kuido pa mucha. E supsidio ku mayornan ta haña pa kresh ta subi den 2025 i 2026, maske mester konkretisá e detayenan di e medida. E intenshon ta ku asina e demanda pa kresh ta subi poulatinamente di manera ku e sektor por akapará esaki. For di 2027 e kompensashon no ta bai pa mayornan mas, pero e organisashon di kreshnan.