E situashon, segun dokumento nan publiká, ta di atenshon.

BOGOTA – E falta di trabou huntu ku e nivel nan haltu di pobresa entre e migrante nan i persona nan desplasá, ademas di e inseguridat alimentisio komo konsekuensia di e fenómeno El Niño, ta un splikashon dikon Colombia a keda inkluí pa promé biaha entre e paisnan ku inseguridat alimentisio agudo. Esaki segun un informe publiká pa e Organisashon di Nashonnan Uní pa Alimentashon i Agrikultura.

E informe global relashoná ku krísis alimentisio 2024, a keda presentá pa Red Global kontra Krísis Alimentisio, Red di Informashon relashoná ku Seguridat Alimentisio den kolaborashon ku FAO.

E reporte ta suprayá ku na 2023, na Latino Amérika i Karibe a redusí e porsentahe di e poblashon ku ta afrontá e krísis alimentisio. E proporshon di abitantenan di e region ku ta afrontá problemanan aki tabata di 26,5% aña pasá, esaki bou di 27,3% registrá na 2022.

Den e lista aki ta inkluí ademas, pa promé biaha, residente nan na Colombia i migrante i refugiadonan na Perú. Di e forma aki, manera ta bon konosí e efekto di migrashon venezolano na Colombia den trabou i pobresa, e informe tambe ta analisá e situashon di e residente nan.

E informe ta indiká ku e poblashon residente di e pais ta for di 2023 den inseguridat alimentisio, pero solamente na 2024 tabatin dato nan disponibel ku e rekerimentu nan tékniko nesesario pa deklará den e situashon aki. Segun e dokumento, tin 1.6 mion di persona, 3% di e poblashon, ku ta den nivel nan severo òf agudo di inseguridat alimentisio. E migrante nan ta 2.9 mion.

Kosto di alimento

Ta importante di indiká ku e último informe di Nashon nan Uní relashoná ku e Panorama di Seguridat Alimentisio i Nutrishon mundial di 2022, a papia di aksede na un alimentashon sano kada dia na Colombia ta kosta masoménos 3.07 dòler. No opstante, aunke ta trata di un balor bou di e promedio mundial, di 3,54 dòler, i regional di 3,89 dòler, e ta ainda duru pa gran parti di e poblashon.

Miéntras ku pa e migrante i persona nan desplasá, e poblashon aki a bini keda inkluí den e informe di e Sistema di Nashonnan Uni, den tur edishon for di 2019. E dokumento ta señalá ku e krísis di inseguridat agudo aki a deteriorá pa e poblashonnan di migrante i refugiado.

Adishonalmente, e informe ta mustra ku e tamaño di e poblashon analisá tambe a oumentá i den 2023 tabatin 4 biaha mas kantidat di migrante i persona nan desplasá kompará ku e analisá di 2018.