E krísis migratorio ta birando un situashon di atenshon na Colombia.

BOGOTA – Armada di Colombia a reskatá 54 migrante bandoná pa trafikantenan den awanan di San Andres, entre kua tin 16 menor di edat. Esaki a trese ku outoridatnan a vosiverá nan preokupashon pa e krísis migratorio bibá na San Andres, Providensia i Santa Catalina.

Ku e operashon aki, kua a tuma lugá dia 2 di novèmber tras di lomba, e number di migrantenan reskatá entre 2022 i 2023 ta yega 1.102 persona. Esaki miéntras ku otro 74 ta kontinuá pèrdí den e zona aki.

Krísis migratorio na Colombia
Den e konteksto aki, Prokuraduria a kritiká ku te ainda no a konstatá e entidat pa kontrolá e fenómeno, esaki apesar di rekomendashonnan emití pa e institushonnan korespondiente.

Segun a keda ekspresá pa e prokurador di delegado di Derechinan Humano, Javier Sarmiento, e episodio nobo aki ta mustra ku ni Migrashon Colombia, ni tampoko e Ofisina di Kòntròl, Sirkulashon i Residensia, no ta tumando e medidanan nesesario. Mester dòbel e esfuerso nan ku mensahe dirigí na e migrantenan, eksponiendo e rísiko nan na kua nan ta enfrentá. Tur esaki ademas di mehorá kòntròl di ingreso di siudadanonan ekstranhero na e isla.

E yamada aki tabata inkluí ademas na Instituto Colombiano di Bienestar Familiar, pa asina por move ku kapasidat i atendé e menornan di edat, kende nan su derechi a terminá vulnerá i mester protehá nan.