Willemstad—Dia 18 i 19 di aprel último, a tuma lugá na Kòrsou e kurso di ‘Dark web & Cybercrime’.
Ta trata di un kurso ku un durashon di dos dia, na kua 26 miembro di Kuerpo Polisial a
partisipá.
Durante di e kurso duná dor di sr. Keven Hendricks, un ofisial di polis Merikano, e
partisipantenan a amplia nan konosementu riba e tema di krímennan ku ta tuma lugá riba
internèt, kon detektá esakinan i kon pa inisiá un investigashon sibernétiko mas seif posibel.
Tur e partisipantenan a sigui e kurso di introdukshon aki ku éksito i sigur nan konosementu
optené lo yuda e kuerpo pa sigui kombatí krímen ku tambe ta tuma lugá pa medio di
internèt.