Dos kurpa sin bida di e sinku mineronan pegá pa eksploshon, a keda rekuperá na Colombia.

BOGOTA – Outoridat nan kolombiano a reskatá e kurpa nan sin bida di dos di e sinku persona nan ku a keda pegá pa un eksploshon di un mina di karbon en un zona di e munisipio kolombiano di Landazuri, na e departamento di Santander.

Esaki nan su kurpa lamentablemente a keda topá den e mina di karbon di Plan de Armas na Landazuri. A lamentá esaki nan su fayesementu.

E funshonario a señalá ku outoridat nan regional, polis i Defensa Sivil ta sigui trahando pa asina rekuperá e tres minero nan ku ainda ta pegá den e mina.

E Ofisina pa Gestion di Rísiko di Desaster nan di Santander, a señalá ku e eksploshon a keda registrá den ora nan di djárason atardi na un mina di karbon di Plan de Armas, na Landazuri. Den esaki un total di sinku persona a keda pegá, ademas otro dos mas a keda transportá pa un sentro médiko di e munisipio.

Hustamente e ofisina aki a señalá ku ya a identifiká e sinku persona nan afektá pa e eksploshon pa akumulashon di gas.

Segun e registro nan di Agensia Nashonal di Mineria, durante e último dékada tabatin mas di 1.262 aksidente minero na Colombia, kua nan a kosta bida di mas ku 1.300 persona i 2020 tabata e aña ku mas aksidente, ku 153 di esaki nan.