Ayera tabata tin kòntròl pisá riba tereno di konstrukshon di Corendon.

Rif,– Djaluna den oranan di mèrdia tabata tin un kòntròl pisá den oranan di mèrdia riba e personal di konstrukshon riba e tereno na unda ta konstrui e di dos parti di e hotel Corendon.

Testigunan na e sitio a indiká na Vigilante ku nan a nota ku tabata tin kòntròlnan pisá riba tereno di Corendon prinsipalmente riba e trahadonan i tambe nan vehíkulo personal.. Aktualmente tin algun proyekto di konstrukshon ta tumando lugá i gerensia lo a kuminsá nota ku materialnan di konstrukshon tabata disparsé.

Unabes e kòntròlnan a kuminsá tra’i mèrdia bai kue atardi, outoridatnan a nota ku diferente trahadó tabata tin materialnan sospechoso wardá den nan vehíkulo. Investigashon adishonal a konkluí ku e materialnan sospechoso tabata material di konstrukshon di Corendon, pues mesora a ordená e empleadonan pa bandoná e tereno inmediato despues ku nan a  entregá e materialnan hòrtá ku nan tabatin den nan poder.  Mesora a indika na e trahadonan ku tabatin material i òf herment di Corendon den nan poder ku nan no ta bon bini mas riba e tereno di e hotel Corendon. Esaki ta nifika ku nan a wòrdu kitá for di trabou riba forma inmediato.

Durante di e kontrol tambe tabatin presensia di polis na e sitio, pero a opta pa no detené e hòmbernan sospechá di ladronisia  pero si a kita e hòmbernan for di trabou mesora.