Willemstad, – Despues di un eksitoso kampaña na dezèmber 2022, Landsloterij a bini bèk ku e kampaña ‘Early Bird’, ofresiendo tur esnan ku kumpra nan brièchi trempan e chèns pa gana premionan atraktivo promé ku e sorteo mionario.

E biaha aki a skohe pa enfoká riba premionan ku lo krea un asina yamá ‘millionaire experience’ pa tur ganadó. Premionan ta basá riba e eksperensianan luhoso. Un i tur ku kumpra nan brièchi trempan tin e chèns di eksperensiá kiko ta biba un bida mionario promé ku gana e premio mayó ku ta 1 mion florin. E kampaña ta bálido pa tur e 5 islanan kaminda ta bende brièchi pues tur ku kumpradó lo bebe awa limpi.

Premionan ku lo por gana ta entre otro:

1. 10.000 florin
2. Un Baseball Experience Trip pa Atlanta ku tur gastu pagá
3. Weekend stay pa 2 persona na Corendon Mangrove Beach Resort
4. Karchinan VIP Balcony pa 5 persona pa Hak’é festival.

Pa partisipá ta fásil, djis kumpra bo brièchi den e periodo di 8 di yüni pa 19 di yüni, skèn bo brièchi òf subi riba www.landsloterij.org i registr’é huntu ku bo datonan personal i bo ta den wega ku chens pa gana un di e eksperensianan luhoso aki. Ta saka e ganadónan dia 20 di yüni 2023. 

Tambe lo tin dos aparato pa skèn na ofisina prinsipal di Landsloterij disponibel pa tur ku no por logra skèn e brièchi òf por registr’é.

Ta bon pa tene kuenta ku tur brièchi partisipando den e kampaña aki lo keda bálido pa e sorteo mionario dia 6 di yüli 2023.

Pa reglanan i informashon tokante di e kampaña por bishitá www.landsloterij.org òf por manda un whatsapp na e number +5999 527-1110