Minister Shalten Hato ta splika ku a lansa un wèpsite i tambe un Job Fair pa asina ta mas serka di pueblo.

WILLEMSTAD, — Ministerio di Hustisia ta organisá un Job Fair na WTC wikènt próksimo dia 22 i 23 di mart.

Tantu riba 22 di mart komo 23 di mart pueblo di Kòrsou por haña diferente informashon tokante e diferente vakaturanan habrí ku tin den e kadena hudisial. Ministerio di Hustisia, bo di minister Shalten Hato, a organisá un “Job Fair” kaminda personanan ku interes pa traha den hustisia por risibí informashon i alabes solisitá na WTC entre 10 or di mainta te ku 8 or di anochi. Riba djabièrnè, 22 di mart, e Job Fair lo tin un “Pauze” entre 12 or pa 2or di mèrdia.

Aña pasá Gabinete Pisas ll a akordá un plan di largu plaso pa asina por fortifiká henter e kadena hudisial i henter e ministerio di Hustisia. Esaki pasombra pa años gobièrnu tabata hiba un maneho di ‘vacature stop’ pues ta pone ku no tabatin personanan  ku ta drenta den servisio di Hustisia. Konsekuentemente esaki tabata lidia na un situashon den kual personal tabata sali for di servisio i esaki a pone ku e ministerio ta bai atras riba e aspekto di personal . Pues komo gobièrnu responsabel a opta pa fortifiká e ministerio di Hustisia ku ta sòru pa seguridat di pais. Durante un podcast, ministerio di Hustisia ta duna mas informashon tokante di e “Jop Fair” i banda di minister Shalten Hato, Luzmarie Ster ku Lucetti Mackay tambe a hiba palabra.  

Aktualmente e ministerio ta man yen pa yena vakatura ku personanan ku tin interes pa traha. Banda di posibilidat pa solisitá, tambe por risibí informashon adishonal di diferente trabou ku ta kai bou di ministerio di Hustisia.

For di aña pasá a traha riba un plan kaba. Ministerio di hustisia ta partí den diferente komishon di proseso di solisitut i pues ta habriendo vakatura for di aña pasá pa asina duna trabou na personanan. Tin hopi vakatura ya komo ministerio di Hustisia mester di esakinan.

Aktualmente tin dos aña bezig i ta mira e kambio i tambe ta haña feedback, minister ta splika. Ku e Job Fair dia 22 i 23 di mart próksimo a marka historia un biaha mas den hustisia. Pa añanan kaba ta papia di falta di kapasidat pues e Job Fair aki lo ta pa ta mas serka di pueblo. E dia aki lo ta un dia di informashon den kual lo bai splika tokante di e ministerio i tambe di otro posishonan di trabou ku tin di haber ku e kadena hudisial entre otro trabou di brantwer i hopi mas. Pues esnan ku tin opinion tambe por trese informashon dilanti pa asina yuda aportá na mehorashon den e kadena hudisial di pais, minister ta splika.

Lo tin panèlnan live na e Job Fair pa asina por tene diálogo pa tin mas protekshon pa pueblo i aki tur persona por partisipá den esaki. Pues pueblo ta keda invita pa asina pasa na e Job Fair i pasa un ratu ameno ku otro i tambe risibí informashon.