ROTTERDAM—Djaweps Duana a deskubrí 263 kilo kokaina den fondo di un konteiner den haf Rotterdam.

Ta trata di un konteiner di bakoba prosedente di Republika Dominikana. Segun Ministerio Públiko e droga tin un balor di kasi 20 mion euro. E bakoba tabata destiná pa un kompania na Alemania. Posiblemente e kompania no ta envolví den e kontrabanda segun Ministerio Públiko. E team konsistiendo di Duana, servisio di investigashon fiskal FIOD, polis di haf i Ministerio Públiko Rotterdam tin e kaso den investigashon. outoridatnan a destruí e kokaina.