Djamars 12 di sèptèmber 2023 alrededor 20.58’or, Sentral di Polis a risibí yamada di un mucha hòmber ku ta indiká ku su mama a menas’é ku un machete.

Despues por a tende via di telefòn kon e yu ta menasá su mama ku e ta tir’é. Mesora Sentral a dirigí un unidat polisial na e adrès na Julian. Na e sítio polis a detené e hóben sospechoso F.S.J.G di 15 aña di edat nasé na Kòrsou i e dama sospechoso C.I.A.P di 36 aña di edat nasé na Repúblika Dominicana, ámbos pa menasa. A presentá tur dos dilanti di un fiskal ouksliar ku despues di interogashon a laga e dama C.I.A.P. den libertat i a ordená enkarselamentu di F.S.J.G pendiente di mas investigashon.