Back to Top
Responsive image
E korant di pueblo

Maneho Finansiero i Reformashon Ekonómiko mester ta prioridat pa kabinete nobo


April 6, 2021 • 2 minüt pa lesa

Énfasis: Pik Pisas, si e bai karga e kabinete nobo,
lo tin problema serio pa reformá Kòrsou ekonómikamente. Su tras, minister di Finansas.

Punda- Efektonan di Covid riba desaroyo ekonómiko di Kòrsou i maneho finansiero di gobièrnu tin konsekuensha severo pa Kòrsou.  Esaki ta lokual por konkluí for di sifranan di 2020 pero tambe riba lokual Gobièrnu di Kòrsou a komprometé ku Hulanda.

Na e momentunan aki  en total tin 8 área di atenshon riba agènda pa ehekushon di e Pakete di Pais. Ta un seri di medida ku Kòrsou a trata na ehekutá na vários okashoná den pasado.

Maneho Finansiero:  E intenshon ta pa yega na un mihó kòntròl di fondonan públiko.  E fondonan ku Kòrsou ta kobrando mester wòrdu gastá responsabel. Di e manera aki por invertí mas efisiente. Evaluashon di e Maneho Finansiero a wòrdu definí den diferente sup sistema i despues di 3 luna ta evaluá. Tambe ta bai evaluá e proseso kon ta yega na kalkulashon di presupuesto i supsidionan gubernamental i kon nan ta wòrdu uza efektivo i efisiente.

Reforma Ekonómiko: Kòrsou mester di un ekonomia fuerte. Ta e intenshon pa mehorá klima pa hasi negoshi i desaroyá un mihó maneho  pa loke trata tereno di gobièrnu. Den kuadro di esaki lo lanta un kompania pa manehá e propiedat i tereno di gobièrnu.

Enseñansa:  Gobièrnu a hasi un internalisashon pa evaluá e kalidat di enseñansa i wak kon pa drecha esaki. A inventarisá tambe e estado físiko di e skolnan i wak kon pa drecha

Kuido i Salubridat: ta pone enfoke pa frena e pandemia di Covid. Mester krea kuido médiko pagabel i yega na e medionan responsabel pa atendé ku e kuido i hasi esaki aksesibel.

Efisiensia di Aparato Públiko: na Kòrsou tin 70 mil persona den forsa laboral i fondonan akapará no ta sufisiente pa mantené esaki den operashon. Pa e motibu aki ta bai oumentá efektividat den kompanianan i servisionan gubernamental. E idea ta pa traha kualitativo i efektivo. Mester redusí gastunan di gobièrnu na 20% den e próksimo 5 aña.

Sistema di Impuesto: E sistema di kobransa mester bira un sistema fásil pa ehekutá i ku por garantisá stabilidat ekonómiko. 

Sektor Finansiero: mester bini stabilisashon di nos sektor finansiero. Esaki dor di trese stabilidat ekonómiko i  modernisá e sistema legislativo pa yega na un areglo di depósito pa bankonan komersial unda tin garantia di un montante mínimo ku e kliente ta haña bek na momento e banko drenta den problema

Login