Steven Martina.

Punda—Dos èrmènt prinsipal pa Minister Steven Martina por los ekonomia di Kòrsou ta pegá na Hulanda pendiente reakshon. Ta trata di Invest Curacao i Fondo di Garantia, ámbos èrmènt ta importante “unlock” ekonomia di Kòrsou.

Segun Steven Martina na Vigilante e instrumento di Fondo di Garantia ta un strategia importante pa Kòrsou por logra. Na e momentunan aki, Hulanda ta evaluando dokumentonan ku Kòrsou a manda pero tambe pa e banko invershonista Invest Curacao. Pa lokual ta trata e fondo di garantia, invershonistanan of komersiantenan lokal mester apliká normal pa un fiansa na bankonan lokal. Si e banko ta positivo pa hasi e fiansa pero debí na su kompilashon di riesgo e no por hasi e fiansa kompleto e ora ei e banko ta akudí na e Fondo di Garantia. Via di e Fondo di Garantia e banko ta kore ménos riesgo.

E Fondo di Garantia ta tres un alivio kon leu e banko por rèk su riesgonan. E èkstra riesgo ta wòrdu karga parshalmente pa e Fondo di Garantia i asina limitá e riesgo di e banko si e fiansa no resultá. Dor di e mekanismo di Garantia proyektonan ta bini mas lihé na remarke pa finansiamentu. Martina ta pensa ku e Fondo di Garantia ta trese solushon grandi pa ekonomia di Kòrsou ku a pega debí na e.o. Covid. Pa lokual ta trata Invest Curacao, manera Vigilante a relatá den pasado, tambe ta kanando su ruta.