DEN HAAG—Den Tweede Kamer mas paprtidonan kier pa hasi mas pa bini ku un lei pa prevenshon di suisidio.

E inisiativa di ChristenUnie pa ankra un liña di prevenshon pa suisidio 113 gratis den lei, a haña un mayoria amplio den Tweede Kamer. Awe Tweede Kamer ta papia riba e inisiativa di lei den kua lo determina ku gabinete ta responsabel pa e maneho ku mester kondusi na redukshon di kasonan di suisidio. Munisipionan tambe ta haña un tarea i ta risibi fondo pa por ehèmpel pone hekinan na spoor di trein kaminda hopi suisidio ta tuma lugá. Anualmente algun míles di hende den Hulanda ta hasi intento di suisidio. Tur dia ta logra den 5 kaso. Ta importante pa bini ku maneho pa redusi e kantidat di suisidio. Kisas e proposishon di lei no ta hasi diferensia mesora, pero di tur manera ta un paso importante. Bikker (CU) a presentá e plannan pa un lei spesial den 2021, huntu ku CDA, Groenlinks, PvdA, SP, SGP i 50Plus. Entretantu, NSC, BBB i PvD tambe ta sostene e inisiativa di lei. D66 tin ku duna nan posishon ainda, ku ta sera kasi 80 asiento pa sosten. E votashon probablemente lo ta mas lat den luna. Segun Bikker e liña 113 a demostrá ku por preveni intentonan di suisidio. E eksistensia di e liña no mester ta depende di e politika di dia i p’esei e finansiamentu mester ta un tarea di lei. 113 mester ta semper aksesibel segun Bikker a enfatisá. Mas aleu, e lei ta dirigí riba munisipionan. Nan mester desaroyá maneho pa kombatí suisidio. Tur kaminda un diputado mester ta responsabel pa e tarea. Tur aña gabinete ta pone 10 mion euro disponibel repartí riba e munisipionan, segun e proposishon di lei. Munisipionan mes ta disidí kon ta implementá e maneho di prevenshon.