Pais Kòrsou ta na 30% di energia renobabel i nos ta yega 50 % na 2024.

Willemstad, — Ministerio di Desaroyo Ekonómiko ta enfoká riba 7 sektor den kual ta traha riba desaroyo di sostenibilidat aki na Kòrsou.

Aktualmente MEO a desaroyá un plan di desaroyo  ‘Curaçao National Export Strategy (NES)’ den ekonomia i a selektá 7 sektor. Industria kreativo, enseñansa, eksportashon di aktividat edukashonal , servisionan finansiero, servisio den IT, servisio di haf i marítimo, blue economy, i tambe esun di 7 kual ta sektor di turismo di médiko i bienestar. Empresanan i edukashon pa hasi e tipo di trabounan aki pero Vanessa Toré a indiká ku mester fasilitá esakinan.

Vanessa Toré a menshoná ku por ehèmpel mester fasilitá por ehèmpel e turista. Tambe Toré a menshoná ku mester mehorá e servisio di informashon pa asina yuda empresarionan i invershonistanan. Esakinan segun Vanessa Toré ta un di e formanan pa krea resilensia. Vanessa Toré a bisa ku na 2015 gobièrnu di Kòrsou a tuma 2 akshon: a kuminsá atendé ku aspektonan internashonal riba kambio di klima di Nashonnan Uni i a ratifiká e Metanan di Desaroyo Sostenibel.  

Pa ku kambio di klima, Vanessa Toré a bisa ku gobièrnu a krea un strategia den 4 área: energia renobabel, maneho di oséano, mangrove park , i maneho di awa sostenibel. Otro aña por ehèmpel ta bai haña e di 4 parke den kual ta bai yega na energia renobabel. Awoki Vanessa Toré  a menshoná ku pais Kòrsou ta na 30% di energia renobabel i nos ta yega na 50 % na 2024. Den kaso di hidrógeno a firma un akuerdo ku Hulanda pa asina por generá hidrógeno pa fuel nos merkado i tambe hasi eksportashon.

Proteus ta un otro proyekto ku Vanessa Toré a menshoná ku ta tumando lugá na Kòrsou i ta enserá un opservatorio bou di awa pa revolushoná sensia di laman. Dor ku ta traha riba konservashon di laman e proyekto aki ta hopi importante i por atraé astronouta ku ta bai espasio i tambe aquanouta ku ta bin Kòrsou pa asina hasi investigashon sientífiko. Den esaki e ekspertonan ta bin pa asina generá informashon i tambe konservá bida bou di laman.