Minister di ekonomia ta bisa ku e konosementu di e programa ta duna e hèrmènt i konosementu spesífiko na agrikultornan.

Parera, — Dia 20 di febrüari minister Ruisandro Cijntje huntu ku Qredits a lansa Fondo Agrario. Minister Cijntje a kompartí durante di e evento ku prensa ku e maneho pa sektor di ‘Barika yen Kòrsou Kontentu’ MEO ta kere firmamente den e kapasidat pa sigurá siguridat di kuminda.

Ta konvensí ku e sektor aki tin e potensial pa bira un pilar ekonómiko. Minister Cijntje ta kompartí ku pues e sektor di agrikultura i krio di bestia ta rekerí invershon ku tin gran balor pa nos komunidat. Ta spera ku mas hóben tambe lo skohe pa laborá den e sektor aki ku tin gran importansia pa nos komunidat. Pues ta sostené agrikultornan i poderá nan pa asina nos por produsí nos propio kuminda, minister di ekonomia a splika.

E lansamentu ta marka un paso importante pa ekonomia di Kòrsou, Raiska Herrera di Qredits ta splika. Durante e enkuentro ku prensa Qredits a lansa ‘Agriloan’ ta un fiansa i konekshon pa futuro ku nos isla tin sufisiente kuminda. E fiansa ta trata di maksimal NAf. 100.000 i interes anual di 2%, kaminda tin un periodo di grasia di máksimo 12 luna, i tèrmino di pago di entre 60 pa 72 luna.  Representante di Qredits, Raiska Herrera, a indiká ku banda di ‘Agriloan’ tambe a bin ke programa ‘Agri Business Academy’ ku ta konsistí di 12 pa 14 siman di kurso, posibilidat pa bin den proseso pa apliká pa ‘Agriloan’ via e programa, i un sertifikado di partisipashon.

Partisipashon na ‘Agri Business Academy’ ta grátis, Herrera a splika ayera durante e enkuentro. Finansiamentu ta pa produkshon pa kròpsla, paprika, tomati, pampuna i papaya. Riba wèpsait di ‘Agriloan’ por apliká pa e ‘Agriloan’, pero tambe pa aplikashon di e programa. Huntu ke traha un futuro mas bèrdè, Herrera a agregá. Promé minister Pisas kende tambe tabata presente a kompartí ku kambio di klima ta un di e peligernan ku ta mira ku ta trese skarsedat grandi di kuminda. Pues invershon den agrikultura ta nesesario i pues a traha konhunto ku minister Cijntje pa asina realisá e fondo pa agrikultura.

Minister Cooper a kompartí ku ora kaba ku diskushon di Cannabis Medisinal, e tereno di esaki lo por keda parselá. Normalmente no ta duna mas ku 2 hèktar, minister di transporte ta bisa. Pues gobièrnu ta atendiendo ku esaki den e próksimo lunanan ku ta bin.