VLISSINGEN—Un monumento di sklabitut ku a pone ilegalmente na Vlissingen mester kita denter di un siman.

Asina alkalde di Vlissingen a bisa e inisiado Angelique Duijndam i artista Zeus Hoenderop. E konseho munisipal a vota resientemente kontra pa pone un monumentu pero un dia promé ku Keti Koti tòg a pone un monumento riba inisiativa di un siudadano. Tantu Duijndam komo e artista a bisa Omroep Zeeland ku nan lo kumpli ku e petishon di e alkalde. No ta bale la pena pa hiba un lucha ku huristanan, mulatanan i abogadonan. No ta e issue. E diskushon mester ta tokante pasado di sklabitut, segun Hoenderop. Tòg Hoenderop i Duijndam ta keda boga pa un monumento den e siudat.

Nos ta kompronde ku e alkalde mester tuma e posishon aki, pero ta lastima. E lucha no a kaba segun Duijndam. E monumento ta un komchi di ora rib aun pilar di plata di 1,5 meter, bou di dje un kadena di un barku. Un dia despues ku a pone a pinta esaki ku tekstonan manera 2070: minoria blanku i ‘prensa ta e enemigu’. Tambe el a keda di plak ku stickers. Den 2021 riba instrukshon di munisipio a hasi investigashon riba pasado sklabitut na Vlissingen. Esaki a indiká ku e siudat a hunga un ròl importante den trafikashon di katibu den segundo mitar di siglo 18. 25% di ekonomia tabata depende di e trafikashon di katibu. Riba Keti Koti e munisipio a pidi diskulpa pa pasado sklabitut den e siudat.